我剛於九月份轉了新工，重投政府的懷抱，再一次成為公務員。本來嘛，身在公職，限制就比一般私人公司多，當中包括文具的配給制度，是那種一支原子筆也要填紙申請的情況！規則訂下了就該遵守，能夠於規則外任意縱橫的，從來就只有老闆級人員，至於我這種小小員工當然亦無可能享有豁免權，只能唯唯諾諾，按本子辦事。

不知道是我已經離開政府太久，還是我天生就不適合從事公職．．．到新辦公室兩個星期，我就開始覺得我與他們有點脫節，甚至溝通困難！

例如負責指派工作的上司，會叫你用Microsoft Word修改一張jpg圖檔，WHAT!?用WORD edit一張圖，我第一個反應係，我有無聽錯!?當然呢句話唔會講出口，又不能反駁，唯有靜心聽完對方的要求，再用自己的方法做到要求。

最令我無所適從的，是與Admin同事在關於文具申領上的溝通，例如，他們所提供的基本裝備會有漿糊筆，但不會提供任何剪刀或刀片甚至間尺類工具；藍黑紅色原子筆各一筆，但沒有塗改液；有電動鉛芯筆以及後備鉛芯，但沒有橡皮擦，甚至大釘書機但配細釘！

當然，缺的東西可以再申領嘛，不過慢慢我發現．．．原來我與他們對文具的定義可能並不一樣，為甚麼這樣說？請看以下例子：

例子一：白色半透明軟Floder：就是那種A4 SIZE，讀書時代就經常使用的軟身文件套
Dolphin：請問，辦公室有無白色半透明軟Floder？
            （請注意，這種文件套我在該位同事的辦公桌上見到最少三個）
Admin：哦，你想要floder？要邊種？
Dolphin：白色半透明軟身果種。
Admin：係咪即係呢種．．．抑或呢種呢？
Dolphin：=.="
              你枱面上軟身透明果種...
Admin：哦～（如夢初醒狀）已經用完啦，要下星期先訂到
Dolphin：OK，唔該！

例子二：計數機
Admin：你係咪要計數機？
Dolphin：係呀
Admin：你想要邊種？
Dolphin：其實普通計到加減乘除，唔好太細部就得
Admin：即係要有程式果Ｄ？
Dolphin：．．．．．唔係，唔需要程式咁複雜，普通計數機就得！
Admin：要唔要有聲果Ｄ呀？
Dolphin：唔駛．．．我只係想要一部SIZE唔好太細的普通計數機．．．

例子三：膠紙
Dolphin：請問辦公室有透明膠紙嘛？（註：使用中的是磨砂半透明可以晌上寫字果ｄ）
Admin：膠紙？咪俾左你囉！
Dolphin：我想要全透明果種，有時要做貼一ｄ野，半透明好難睇
Admin：哦...好啦，嗱．．．
Dolphin：=.="

例子四：Label紙
Dolphin：請問，有無信封用label紙？
Admin：你指Post stick？
Dolphin：唔係，平時出信用黎印地址貼落信封果種長方形Lable紙，唔係memo紙
Admin：哦～係咪黃色果種呀？
Dolphin：白色架！！！

綜上，我開始懷疑．．．到底係咪我表達有問題？抑或我對文具的認知真係咁落後呢．．．．

P.S. 敝辦公室用緊光學滑鼠，呢種滑鼠的好處係無MOUSE PAD都可以行得好好，但我們的辦公桌全部都鋪有玻璃桌面．．．當然，admin同事無諗過咁0既情況我地需要MOUSE PAD.